NON CHE DIXERON ROSALIA

Non raiaba a primavera

nos enxidos de Galiza,

mais xa en febreiro abrollara

rosa de lanzal fasquía.

Non se sabía fermosa,

inda carente de espiñas,

e saudosa bagoaba

mergullada na invernía.

¡Ai rosiña malfadada!

non che dixeron que, un día,

dos galegos ías ser

a fachenda e a estima.

Longo indeleble ronsel,

inmorredoira estreliña,

espello de sentimento

onde as xeracións se miran.

Silvia Figueiras Dovalo