Se o poeta non fora vento
que remexe e voltea,
orballo que maino acae
e a secura refresca.
Se non fora arrepío
que as cernas zarandea,
tremor que do abismo xorde
e os alicerces creba.
Se non fora labarada
que abura e acendra,
louco, inflamado ámago,
ceibe, indómita verba.
¡Qué mudo estaría o mundo
sen o clamor do poeta!
Silvia Figueiras
Laura Padín
No hay comentarios:
Publicar un comentario