SOÑAR

                 

Eu tamén quería

de pequeno ser maior

ainda sabendo que a vida

 traería  traballo e suor 

Eu pronto quería crecer

e con todas as miñas forzas

grandes cousas facer

Que longos días de inverno

moi lentos en rematar!

zocos, nas punteiras chacras 

para asi poder xogar.

Era tempo de pobreza

e pobres eran meus pais.

Moi cedo, xa de de pequeno

tiña que ir traballar

había que axudar na casa

para da vida tirar,

pola mañá  ir á escola

de tarde o millo sachar

e cando non era eso

as vacas para coidar,

pero sempre tiven tempo

de disfrutar e  xogar.

Ruxe dentro de min

de cando en vez a ilusión,

sinto berros dese neno

que de min nunca se foi

miro o espello e digo

neno, onde fostes, onde estás?

Eu quixera ser pequeno!

por qué tiven que medrar?

Onde están eses amigos?

Onde está esa amizade?

Onde están eses meus soños

Que nunca puiden lograr?,

Eu quixera ser pequeno!

quero volver a soñar!

ser de novo aquel meniño

que pronto quería medrar

e soñar nun mundo novo

sen as guerras e con  paz.

  Tino de Bugallido,2025