A VERDADEIRA ELEGANCIA

  A onde irás de traxe neste primaveral martes de outono, que eu saiba non é día de festa. Recorda, Xaquín, aquelo de nin te cases nin te embarques.

  Merliño, quizais teñan razón @s que din que eu son máis de ir de sport, e ti de voar de frac e gravata polas Brañas, sexa ou non domingo ou festa...

  Pero ás veces, Amigo merlo, temos a imperiosa necesidade de sentirnos elegantes, non digo guapos que é cousa da Natureza, e botarnos a voar na procura de doces soños que nos enchan a Alma, por lonxanos que os sintamos, que son dous días os que vivimos...

  Pode que para elo, antes de que chegue o inverno, haxa que pasar polo asteleiro para que nos arranxen as velas xa gastadas de tanto uso, ou nos poñan unhas novas.

   A vivir, non a voar, di o refrán, Amigo Xocas. Pero se cres que para vivir ás de voar, e necesitas traxe e gravata, busca un bo sastre, abre as alas, e adiante...

  Non esquezas, eso sí, que A VERDADEIRA ELEGANCIA lévase dentro da Alma...!!

 

  O Paraíso existe 

                                                             Xaquin Miguéns Ces