REDACTAR NOVAS HISTORIAS

 

  "Nosas vidas son os ríos

que van a dar no mar,

que é o morrer..." (J. Manrique)

  Lindo e sentido poema elixes hoxe para darnos os bos días, Xocas...

  Que direi da fotografía, a fervenza de Toxosoutos xamais deixa de abraiarme, mesmo ti te poñas diante, jajajaja.

  Espertastes jodedor Amigo merlo.

  Xaquín, só é unha pequena labazada para espreguizarche. Levas un feixe de días pelexado co mundo enteiro, botándolle  a culpa de tódalas túas penas ao inverno...

  O fin de semana xa petou na fiestra, e a vida é demasiado fermosa para estresarte con persoas que disfrutan abríndoche a billa do bocoi da carraxe, e nen merecen que as escoites.

  Falas moito, merliño, pero poñer fin a capítulos da vida non é doado por moito que nos amarguen a existencia.

  Xaquín, cando alguén che trae pola porta máis problemas que ledicias é o momento de mostrarlle a saída claramente, aínda que o arrastre a auga da fervenza...

  Se perdoas demasiado acostúmanse a lastimarche de novo, quédate con quen realmente pague a pena.

  Verei de seguir tan sabio consello, Amigo merlo.

  Colle axiña pluma e pinceis e comeza o día cun sorriso, Amigo Xocas...

  Sempre se poden redactar REDACTAR NOVAS HISTORIAS...

  Non o esquezas...!!

  

  O Paraíso existe 

                                                                  Xaquin Miguéns Ces