Paseaba de mañá polo xardín ollando un regalo de cores verdes, brancas e vermellas logo de saborear unha "bica"...
Pensaba, que non se entere o merliño, no paralelismo que hai entre as plantas e as persoas...
A vida regálanos ás veces Amig@s especiais, luz para o camiño e sombra para acubillarnos...
Paraugas se chove a mares, chapeus cando o sol máis aperta ...
Son coma flores que nos enchen de ledicia o sendeiro polo que transitamos, e que nos envolven dun especial arrecendo...
Persoas de corazón san, sinxelo, mirada nobre, sen dobreces...
Levan consigo brillo nos ollos e paz na Alma.
Que bonito o pintas, Xaquín. Pensabas que non escoitaba.?
Merliño, non che facía por estes lares.
Xocas, quen vai sacarche do pasmo...?
A vida sempre ten as dúas caras da moeda, tres se cae de canto, e vas atoparte con plantas cheas de pragas e persoas coa Alma podre, valeira de contidos...
E como bo xardineiro debes coller A TESOIRA. Non teñas medo a eliminar do xardín da túa vida a calqueira que che quite o sorriso ou produza desacougo...
Quédate con quen ilumine o xardín e a un tempo dé sombra...
Cortar polo san é a mellor terapia para unha boa saúde do corpo e da Alma...
"Vivamos mentres podamos...", decía aquel xardineiro que nunca pousaba as tesoiras...
Que non che doa a man, Amigo Xocas.
Merliño, ata outra tesoirada...!!
O Paraíso existe
Xaquin Miguéns Ces
No hay comentarios:
Publicar un comentario