Non es moi fan do Nadal, Xaquín, pero faltouche tempo para pór en valor os millóns de luces que dende onte alumean o ceo de Vigo.
Merliño, son unhas datas nas que a comida está moi presente, pero nas mesas nótanse en demasía as ausencias...
Pero non é o Nadal o motivo polo que subo hoxe a imaxe da árbore e a estrela iluminando a cidade olívica ...
Só quixera que servira de símbolo e fora a luz que nos guiara as mentes, tan necesitadas nos tempos que corren...
Amigo merlo, que en pleno século XXI teñamos que celebrar cada 25 de novembro o "Día internacional da violencia de xénero" fala ben ás claras da falta de luces que ten a sociedade na que vivimos.
Pero non te das conta, Amigo Xocas, que camiñades de volta á prehistoria, cada vez sodes máis cavernícolas, que outra mirada ten senón o de que o fascismo se esté apoderando de novo do mundo...?
E ben triste que eses involucionistas, negacionistas de todo cánto cheire a progreso, vaian en contínuo aumento...
A piques estiven de caer da rama, Xaquín, menos mal que teño alas, cando lin que cáseque o 24% dos xóvenes de hoxe en día consideran a violencia de xénero un invento dos progres. Son os mesmos que non consideran violencia darlle unhas labazadas á moza ou controlarlle o teléfono móbil, e que fai catro anos representaban o 12%.
No que vai de ano foron asasinadas 63 mulleres, 49 o pasado, non hai día libre de agresións na contra delas, físicas e tamén verbais. Merliño, que valores defendemos, cara onde camiñamos...?
Teñen os mesmos dereitos ca nós, merecen o mesmo respecto, non son pertenzas de ningún cromañón...
Querémolas libres e vivas, oxalá atopemos esa luz que nos ilumine e nos libre desta lacra, Amigo merlo...
NON Á VIOLENCIA DE XÉNERO.!!
Xaquín, ou poñedes todo cánto está da vosa parte, ou a volta ás cavernas é unha realidade...
Palabra de merlo...!!
O Paraíso existe
Xaquin Miguéns Ces
No hay comentarios:
Publicar un comentario