FALE A IMAXE

  O merliño, que está en todo para o bo e para o malo, debeu atoparme a enerxía baixa...

  Recomendoume que aproveitara o amencer, antes que voltaran as chuvias, para abrir as fiestras da lacena da Alma...

  Nada mellor para elo, Amigo Xocas, que un paseo polas Brañas no abrente...

  Non terás dúbidas do lugar no que enchufar o goteiro, escoitarás meu canto.

  Alá me vou seguindo o son do seu trino relaxante, atopeino na beira do río no medio das canaveiras...

  Saudoume cun sorriso mentras inmortalizaba o momento, un remanso de paz a imaxe do Val que deixo no martes de entroido...

  Baixa o Ulla cos beizos azuis repartindo bicos  polas Brañas de Laiño, amarelas son as apertas do sol asomando...

  Pareceume escoitar o monte Meda falar co Pico Sacro, testigos pampos no horizonte, que non tiña mal gusto o merliño escollendo o lugar no que enchufar o goteiro na vena da Alma...

  Gota a gota vou enchendo os tarros da lacena ...

  Pouso a pluma, FALE A IMAXE...!!

 

  O Paraíso existe