ALONDRA

 Miña alondra bonita

onde fixeches o niño?

que a miña palleira está triste

soíña é morta de frío

coas túas fermosas aliñas

co teu piquiño marelo

con esa patiña rota

que che curei este inverno

por onde ficarás agora?

por onde te levará o vento?

volve ó fogar miña alondra

volta pronto que te espero

o inverno xa ficou

tamén pasará o verán

así se nos vai a vida

agardando por quen non virá

ti eres un paxaro

eu son medio animal

pois gústame máis o monte

que “chafardear” pola cidade

gústame sentir a auga

correr polas miñas maus

cando de cativa lavaba

a roupa de meus irmáns

xa pasaron moitos anos

dende a primeira vez

que ti fixeches o niño

tras a palleira de Inés.

Paki Espiño,2023