Eu son
fillo da Galiza, terra rica por natureza, pero pobre por levar
séculos pertencendo a un país que só sabe desfalcarnos, primeiro coa
emigración; a seguir cos encoros do franquismo construidos na nosa terra e
pagando a electricidade máis cara que o resto do país, e agora cos famosos
"eolos", e decir, eses enormes xeneradores que estan sembrando en
toda a nosa xeografía para producir electricidade, pero en man de compañías multinacionais.
Eu son pobre a pesar de traballar desde os catorce anos hasta os sesenta e
cinco e medio, unha media de quince horas diarias, quizais o sector peor pagado
do mundo laboral, é sigo sendo pobre cos impostos aplicados á pensión de
xubilación de uns mil euros ó mes, maís con esa pobreza son moi feliz por vivir
neste paraiso verde, por ter unha gran familia é infinidade de amig@s.
Son feliz por
chegar agora no outono da miña vida a vivir sen presas e sen carreiras para
poder chegar a tempo coas mercadorias como me ocurría na miña época laboral,
son feliz por poder visitar ós meus netos cando quero e velos medrar na
compañía dos seos pais. Son feliz porque neste intre teño a pantalla do
ordenador enfrente de min e podo expresar
o que sinto, e teño todo o tempo do mundo para ler, para charlar cos
amigos e recordar tantas vivencias o longo da miña vida.
E...son rico
porque teño saude, amig@s por doquier polo mundo enteiro, porque vivo nunha
democracia, non perfecta, pero sí,ó menos, é democracia, e son libre por poder
escribir estas verbas e publicalas nos medios sociais sin medo de entrar a un
cárcere, como acontecía non fai tantos anos. Son rico en liberdade para
expresarme na lingua materna coas verbas que me falaban meus pais cando
comencei a abrir os ollos, as primeiras
que empecei a oír e entender...Son libre.
Miguel
Alberto,2021
No hay comentarios:
Publicar un comentario