REFLEXIÓN...SOÑAR BONITO

 "Queda con deus, mañá é outro día e voltarei co cartafol dos soños..."

Coa paleta das cores e o pincel aínda na man, saúdame o sol desaparecendo sobre os Castros de Bexo, vixiantes pampos...

Deixa pintado un ceo de azuis, amarelos e bermellos, presaxio dunha noite cálida e de soños ardentes...

Trina o merlo, canta a Xílgara...

Respóstalles no alto do castiñeiro un reiseñor zalameiro e presumido...

Chisca un ollo o Ulla, detense a vida nas Brañas...

Cheira a primavera, alporízanse os sentidos...

Todo o Val é un feitizo...!!

Esperta Xaquín, non hai psiquiatra de garda, cántame no oído o merliño.

Sáeme dos beizos, querid@ AMIG@, un sorriso...

É o que ten SOÑAR BONITO...!!

  Xaquín Miguéns Ces