Non é un bo presaxio...
Acabas de chegar e xa te estás queixando.
Amigo merlo, empeza hoxe o verán, ou eso din os que saben destas cousas...
Luns de zapateiros, chegar a "galeras" e ollar que roubaron Cortegada, hoxe precisamente, non é motivo de ledicia, deixa que me desfogue...
Gustariame estar despedindo a primavera coa Alma latexando, e darlle a benvida a un verán ilusionante. Saudar o sol espertando por enriba do Pico Sacro, acompañar o percorrido dun Ulla feliz desexando chegar a destino para abrazarse coa sua amada Cortegada, bicala...
E o que me atopo é un día gris, chuvioso, frío que semella antesala do inverno, nen outono...
Se penso que fai uns días estivemos de praia cunha calor abafante, algo non cadra...
"O tempo agora está tolo", escoitámoslles a miúdo aos avós que viviron outras circunstancias nas que o Planeta recibía un mellor trato, aínda que a vida déles non tivera tantos luxos como temos nos tempos de hoxe nos que a Natureza é cruelmente maltratada, din que en beneficio do DESENVOLVEMENTO.
Seguro que paga a pena pelexar por irnos para o outro mundo cun feixe de cartos, e deixar para os nosos netos un Planeta cun futuro moi incerto cánto menos...?
Xa non sabemos en qué hemisferio vivimos Amigo merlo, se atendemos ao tempo, e a culpa témola nós, a chamada raza intelixente á que eu gusto de nomear a dos "vanidosos deuses idiotas", polo xeito de coidar o Planeta.
Din, querid@s AMIG@S, que hoxe, luns de zapateiros, comeza o verán...
Pode ser un bo día para reflexionar...
"Ollando" de mañá Cortegada, semella que no Hemisferio Austral...!!
Xaquín Miguéns Ces
No hay comentarios:
Publicar un comentario