REFLEXIÓN...MAR DOS SENTIDOS

 

Amenceu xa sobre o Val fai un cacho...

Camiña o inverno cara a ensoñadora primavera, pero semella non querer atopala. Nada cambia, mesmo empeora, é o que sinto.

Abre a fiestra e deixa que a Alma voe e se alonxe dos mónstruos que ameacen con devorarche.

A barca que visita o Paraíso dos Soños, espera tranquila para acercarche ao MAR DOS SENTIDOS i emborracharte co cheiro da súa auga revitalizadora...

Visualiza aquélo que tanto desexas, pon rumbo ao destino que marques e súbete a éla.

Non esperes que sexa doado, pero a vida é por enriba de todo ilusión por acadar soños, eses páxaros que voan tan alto e que parecen querer fuxir de nós sempre.

Amenceu sobre o Val xa fai un cacho, i eu aínda na cama falando coa lúa mentras a vida anda por aí perdida, buscando o xardín desa primavera onde xerminen os soños de locura sen os que nada somos.

É domingo...Traxe, gravata, paseo...

A barca do Paraíso dos Soños espera na Ínsua, acariñada polas augas do Ulla, un mar feito río...

Ao lonxe, querid@s AMIG@S, o Meda preside...

E a vosa...?

Xaquín Miguéns Ces