O TEU LIBRO

 

  O día amenceu "carrancudo". Chove, carallo, chove, decía meu avó xa farto...

  Para arranxalo faría falla darlle unha pintura, e non recordo onde teño gardadas as cores...

  Debe ser cousa dos anos, ou do outono que galopa desbocado sobre a Alma, merliño.

  Eses son os folgos cos que te levantas para adicarlles unhas verbas que lles alegren o día a aquel@s que tanto che alentan, Xaquín...?

  Deberías estar preparado para ir ladeira arriba e ollar unha nova perspectiva do Val que non sexa a que tes ao abrir a ventá cada amencer, coa graneira enfronte...

  "Se non escalas a montaña non poderás ver a paisaxe."(P. Neruda)...

  Calzadas as zapatillas, cun sorriso nos beizos, as alas sempre dispostas a emprender voo, e ben abertos os ollos da Alma, deberás estar listo cada abrente para afrontar a montaña da vida, cun cumio difícil de acadar tantas veces...

  Pero nada máis grande, Amigo Xocas, que a satisfacción de superar os atrancos que vaian aparecéndoche a cada chanzo...

  É o xeito de ires escribindo O TEU LIBRO, de complicada edición case sempre, engadindo páxinas cos pés e renglóns coa pluma da Alma...

  Visualiza o camiño, mesmo cuberto de follas secas, aprovisiónate da ilusión necesaria que che alonxe da morriña do outono, vístete cun sorriso de orella a orella, mira cara arriba, e adiante...

  Por duro que sintas o desafío, Xaquín, só así acadarás o cumio...

  Pensa na paisaxe que che espera do outro lado, que tanto paga a pena.

  E ti, querid@ Amig@ da Alma, que nos botabas de menos, telo cartafol listo...?

  

  O Paraíso existe 

                                                               Xaquin Miguéns Ces