É o ceo do Val un arco da vella, ou un ollo que nos vixía...
Cada quen ve o amencer según lle vaia na feira...
O maxín do merlo vai máis alá, ten outra interpretación que espalla ao vento, sobre o que dende a súa atalaia, o vello hórreo, observa...
Vivimos, Xaquín, nunha inmensa rotonda e hai que estar vixiantes dende as primeiras luces do abrente, pois en calquer momento pode saír alguén polo carril que non corresponde e sen pór intermitente...
Recorda aquel dito que xa de pequecho escoitabas na aldea, "onde non hai non se pode sacar, Xocas..."
Tamén o proverbio xudeo que di que non debes acercarte a unha cabra por diante, por detrás a un cabalo, e a un idiota por ningunha parte...
Vixía ben a rotonda porque o LISTILLO DE TURNO, Xaquín, pode aparecer novamente...
Acouga, non debes deixarte alporizar polos comentarios dun idiota.
Non vai pasar, Amigo merlo. Adiqueille xa demasiadas verbas e tempo para os méritos que ten, que son ben poucos, ningún se o xulgo ben a fondo...
Merliño, pola conta que me ten, andarei ollo avizor na rotonda...!!
O Paraíso existe
Xaquín Miguéns Ces
No hay comentarios:
Publicar un comentario