REFLEXIÓN...POESÍA

 

"No Pozo Bastón están encantadas tres das miñas fillas...", así comeza a lenda.

Aproveitar calquer día para seguir o curso do Te e chegar preto das súas fontes non ten pago...

A través da auga, da fauna e da vexetación que a rodea transmítelles súa enerxía e dalles respostas a quén queira escoitala a Natureza.

Expresalas con verbas que cheguen é outra historia...

As augas do río Te, no máxico recuncho de Pozo Bastón logo dunha fermosa camiñata, son un Paraíso agochado para Almas sibaritas...

Cura para o corpo

Lenda para o espíritu

Beleza para @s que ollan

Música para @s que escoitan

Silencio e paz para @s que senten...

Un espello no que ollar reflexado un arco da vella de soños

Un pozo de esperanza no que espirnos e bañar a Alma

Un bastón de ilusións ao que agarrarnos.

"...E alí estarán aínda, no fondo daquélas pozas", remata así a lenda.

Vas cometer o pecado de irte, querid@ AMIG@, sen antes mollar as alas cargando o cartafol dos soños nas súas cristalinas augas, mentres escoitas a música da Natureza a través dun murmurio que todo o abarca...?

É POESÍA para a Alma, canta o merlo nunha rama...!!